Դեկտեմբերի 23-ին Թուրքիայի ներքին գործերի նախարար Ալի Երլիքայանը աշխատանքային այց կատարեց Ստամբուլի Զեյթինբուրնու շրջանում գտնվող Եդիկուլեի Սուրբ Փրկիչ հայկական հիվանդանոց։
Նախարարին ուղեկցում էին Զեյթինբուրնուի քաղաքապետ Օմեր Արիսոյը, Զեյթինբուրնուի նահանգապետ դոկտոր Ադեմ Ուսլուն և Թուրքիայի խորհրդարանի անդամ Սևան Սիվաջիօղլուն։
Այցի ընթացքում Ալի Երլիքայանը հանդիպեց Եդիկուլեի Սուրբ Փրկիչ հիվանդանոցի հիմնադրամի նախագահ Բեդրոս Շիրինօղլուին՝ նրան փոխանցելով իր բարեմաղթանքները։ Նախարարը նշեց, որ այցը կատարվել է հենց Բեդրոս Շիրինօղլուի վերադարձից հետո, որը վերջին ամիսներին արտասահմանում տեղի ունեցած վթարի հետևանքով բացակայում էր։ Ներկայում Բեդրոս Շիրինօղլուն լիովին վերականգնվել է և վերադարձել է իր պարտականությունների կատարմանը։
