Ռուսաստանը և Հայաստանը ակտիվորեն քննարկում են Ադրբեջանի տարածքով բեռների փոխադրման հնարավորությունը՝ երկու ուղղություններով։ Այս մասին հայտարարել է Ռուսաստանի Դաշնության փոխվարչապետ Ալեքսեյ Օվերչուկը։
Ըստ փոխվարչապետի՝ բանակցությունները ընդգրկում են ոչ միայն Ռուսաստանից Հայաստան պարարտանյութերի մատակարարման հարցը, այլև հակառակ ուղղությամբ՝ Հայաստանից Ռուսաստան բեռների փոխադրումը։
«Մենք նաև քննարկում ենք Հայաստանից Ռուսաստան Ադրբեջանի միջով հակադարձ բեռնափոխադրումների ապահովման հնարավորությունը։ Սրանք այնպիսի ձեռքբերումներ են, որոնք մինչև վերջերս անհավանական էին թվում»,- ասել է Ալեքսեյ Օվերչուկը։
Այս հնարավորությունը բացվում է երկու երկրների միջև տնտեսական համագործակցության խորացման և տարածաշրջանում նոր ռազմավարական հարաբերությունների ձևավորման համատեքստում։
