Ուկրաինայի զինված ուժերի գլխավոր հրամանատար Ալեքսանդր Սիրսկին հայտարարել է, որ այս փուլում զինված ուժերի հիմնական նպատակը Ռուսաստանի բանակի հարձակողական ներուժի նվազեցումն է։
«Մեր հիմնական խնդիրն այսօր հակառակորդին առավելագույն կորուստներ հասցնելն է, նրա պահուստների ոչնչացումը և հարձակողական ներուժի հետևողական նվազեցումը», — նշել է Սիրսկին՝ ընդգծելով, որ ժամանակակից պատերազմի բնույթը փոխվում է։ Նրա խոսքով՝ զինված ուժերը վերանայում են մարտական գործողությունների իրենց մոտեցումները։
Գլխավոր հրամանատարը նաև ընդգծել է, որ հատուկ ուշադրություն է դարձվում անօդաչու համակարգերով ստորաբաժանումների ուժեղացմանը։
Այս հայտարարությունը հրապարակվել է այն պահին, երբ ավելի վաղ ուկրաինացի սպա Սերգեյ Վոլինսկին հրապարակային հարցում էր ներկայացրել Խերսոնի մարզի Կրինկիում իրականացված գործողության շուրջ։ Նրա խոսքով՝ պլանավորման սխալների հետևանքով զինված ուժերը կրել են հազարավոր կորուստներ, և նա պահանջում էր, որ պատասխանատվություն կրի հրամանատարությունը։
