Իմ աղբյուրների համաձայն, Շիրակի թեմի առաջնորդ Միքայել արքեպիսկոպոսին վերջապես թույլ են տվել մասնակցել այս կիրակի մատուցված պատարագին, որը կայացել է «Իզմիրլյան» բժշկական կենտրոնում։
Հիշեցնենք, որ սրբազանը դեռ կալանքի տակ է, սակայն մի քանի շաբաթ է՝ գտնվում է հիվանդանոցում՝ առողջական խնդիրներով պայմանավորված։ Նա արդեն անցել է մի վիրահատություն եւ պատրաստվում է երկրորդին։
Անցած շաբաթ այդ նույն մարդիկ, սակայն, հրաժարվել էին թույլ տալ պատարագի մատուցում եւ սրբազանին հաղորդություն ստանալու հնարավորություն, ինչի պատճառով նրա մոտ առաջացել էր զայրույթ։ Այս կիրակի պատարագը մատուցել է կենտրոնի հոգեւոր տեսուչ Հայր Հովհաննես Թորգոմյանը։
Պատարագին ներկա էին եղել բուժանձնակազմի մի քանի անդամներ, հարեւան հիվանդասենյակներից մի քանի բուժառուներ, ինչպես նաեւ՝ Աջապահյանի եղբորորդին՝ Արտաշես սարկավագ Աջապահյանը, որը հորեղբոր խնամակալն է բժշկական կենտրոնում։ Պատգամավոր Տիգրան Աբրահամյանը նույնպես այցելել էր սրբազանին եւ ներկա էր պատարագին։
Պատարագը մատուցվել է հիվանդանոցի միջանցքում, որին իր պալատից հետեւել է նաեւ սրբազանը։ Պատարագի ավարտին նա հաղորդություն է ստացել։
Ինչպես հաղորդում են իմ աղբյուրները, այս անգամ էլ կարգադրիչները փորձել են արգելել սրբազանին մասնակցել պատարագին՝ հատկապես հաղորդության մասին լսելով։ Սակայն, երբ նրանց մանրամասն բացատրեցին, որ հաղորդում ստանալը «հաղորդակցվելը» չէ, այլ անթթխմոր հացով պատրաստված նշխարը (գինու մեջ թաթախված եւ վրան համապատասխան աղոթք կարդալուց հետո) ճաշակելն է, նրանք համաձայնել են։
