Իմ աղբյուրների համաձայն՝ ԱՄՆ փոխնախագահ Ջեյմս Դեյվիդ Վենսի փետրվարյան այցը Հայաստան եւ Ադրբեջան կունենա մի քանի կարևորագույն ուղղություններ։
Այցի հիմնական նպատակը, ինչպես նախատեսվում է, TRIPP-ի նախագծի մեկնարկն է։ Ըստ իմ տեղեկությունների՝ հնարավոր է, որ ստորագրվի համատեղ ընկերություն հիմնելու մասին համաձայնագիր։ Այս ընկերության կառուցվածքը կլինի հետեւյալը․ ամերիկյան կողմին կանցնի ընկերության 74 տոկոսը, իսկ Հայաստանին՝ 26 տոկոսը։
Սակայն, ինչպես հաղորդում են իմ աղբյուրները, TRIPP-ը միակ թեման չի լինելու Վենսի ուշադրության կենտրոնում։ Իշխանական շրջանակներում հաղորդում են, որ հնարավոր է ստորագրվի նաեւ այլ փաստաթուղթ, որի համաձայն Հայաստանը ԱՄՆ-ին է վերապահելու մոդուլային ատոմակայան կառուցելու իրավունքը։ Այս հարցը, ինչպես հայտնի է, արդեն մի քանի տարի է՝ քննարկվում է իշխանական մակարդակում։
Այս հայտը, ինչպես նշվում է, ներկայացվել է նաեւ Ռուսաստանից։ Ըստ վերլուծաբանների՝ նման որոշումը բացառապես քաղաքական բնույթ է կրում։ Արեւմտյան երկրները, եւ հատկապես ԱՄՆ-ը, այս քայլը համարում են Ռուսաստանին տարածաշրջանից դուրս մղելու իրենց ռազմավարության կարեւոր մաս, որը ներառում է Մեծամորի ատոմակայանի փակումը եւ մոդուլային ատոմակայանների կառուցումը։
