Ուկրաինայի նախագահ Վլադիմիր Զելենսկին հայտարարել է, որ Patriot հակաօդային պաշտպանության համակարգերը չեն կարող լիարժեք կանգնեցնել իրանական Shahed տեսակի դրոնների զանգվածային հարձակումները։
Ըստ նախագահի՝ այս պայքարը տնտեսապես և տեխնիկապես անհավասար է։ Նրա խոսքով՝ մեկ դրոնը շուրջ 40 անգամ ավելի էժան է, քան Patriot համակարգի հրթիռը։ Այս զգալի տարբերությունը դարձնում է անհնարին արտադրության արագությամբ և ծախսերով մրցակցելը։
Նրա գնահատմամբ՝ նույնիսկ հազարավոր Patriot համակարգեր չեն կարող արդյունավետորեն դիմակայել տասնյակ հազարավոր դրոններին։
Ուկրաինայի նախագահը առաջարկել է միավորել Ուկրաինայի և ԱՄՆ-ի հակաօդային պաշտպանության համակարգերը՝ ընդգծելով, որ միայն համատեղ ուժերով հնարավոր կլինի երկրի երկինքը պաշտպանել զանգվածային հարձակումներից։ Նա նաև նշել է, որ Կիևը պատրաստ է փոխանակել իր դրոն-կալանիչները Patriot համակարգերի հրթիռների դիմաց։
