Հակամարտության կարգավորման շուրջ բանակցություններին մոտ կանգնած աղբյուրների համաձայն, Ուկրաինայի հարցով խաղաղ գործընթացը լավագույն դեպքում կշարունակվի ևս մի քանի ամիս։
Ըստ զրուցակիցների՝ Կիևում գոհ են մնացել ամերիկյան խաղաղ պլանի նոր տարբերակից, որի տեքստը զգալի փոփոխությունների է ենթարկվել Ժնևում կայացած հանդիպման արդյունքում։ Սակայն նրանք նշում են, որ «ոչ ոք չի կարող պատկերացնել» ռուսական կողմի համաձայնությունը առաջարկվող խմբագրումների հետ։
Բանակցությունների շատ մասնակիցներ հայտնում են «լուրջ առաջընթացի» և մի շարք հարցերի շուրջ Ռուսաստանի և Ուկրաինայի դիրքորոշումների մերձեցման մասին։ Նրանցից մեկը նշել է, որ մոտենում են այն պահին, երբ մարդիկ ստիպված կլինեն ասել․ «Այո՛, մենք համաձայն ենք կամ Ո՛չ, վերջ, բավական է»։ Այսպիսով, կարելի է ենթադրել, որ Մոսկվան կարող է մեղմել իր դիրքորոշումը «գործընթացի ամենավերջում»։
