ՀՀ դատախազությունը հարուցել է քրեական հետապնդում Ամենայն Հայոց Կաթողիկոս Գարեգին Բ-ի նկատմամբ։
Իմ տեղեկացմամբ՝ Վեհափառ Հայրապետը հրաժարվել է ցուցմունք տալ՝ օգտվելով իր իրավունքից։
Այս գործը հսկող դատախազը Խաչատուր Գալստյանն է, որը նախկինում աշխատել է Քննչական կոմիտեի ՀՀ ոստիկանության գլխավոր վարչությունում՝ որպես քննիչ։ Քննիչը Քննչական կոմիտեի ՀՀ ոստիկանության գլխավոր վարչության քննիչ Արա Ավագյանն է։
Հիշեցնեմ, որ փետրվարի 14-ին փաստաբան, Փաստաբանական ակադեմիայի ռեկտոր Արա Զոհրաբյանը հայտնել էր, որ Վեհափառ Հայրապետի նկատմամբ քրեական հետապնդում է հարուցվել Արման Սարոյանի հետ կապված դատական ակտի կատարմանը խոչընդոտելու մեղադրանքով։ Նրա խոսքով՝ Վեհափառ Հայրապետի ելքը երկրից արգելվել է, ինչը, նրա կարծիքով, փորձ է արվում ձախողել Ավստրիայում կայանալիք եպիսկոպոսաց ժողովը։
Ավելի լայն իմաստով՝ նմանատիպ քրեական վարույթներ են նախաձեռնվել նաև այլ եկեղեցական գործիչների նկատմամբ։ Մեղադրյալների ցանկում են Տեր Նաթան արքեպիսկոպոս Հովհաննիսյանը, Տեր Հովնան եպիսկոպոս Հակոբյանը, Տեր Մակար եպիսկոս Հակոբյանը, Տեր Մուշեղ եպիսկոս Բաբայանը, Տեր Հայկազուն արքեպիսկոպոս Նաջարյանը, Տեր Վահան եպիսկոս Հովհաննիսյանը, ինչպես նաև Տեր Մովսես քահանա Սահակյանը։
