Հայաստանը կմտնի Խաղաղության խորհրդին՝ առանց անդամավճարի։ Այս մասին հայտնում է ՀՀ արտաքին գործերի նախարարության մամուլի քարտուղար Անի Բադալյանը՝ արձագանքելով հրապարակային քննարկումներին, որոնք վերաբերում էին խորհրդին անդամակցելու համար 1 միլիարդ դոլարի չափով անդամավճարի պահանջին։
Ըստ նախարարության ներկայացրած տեղեկատվության՝ Խաղաղության խորհրդի կանոնադրությունը նախատեսում է անդամակցությանը ֆինանսական հատկացումների կամավոր սկզբունքով։ ԱՄՆ նախագահ Դոնալդ Թրամփի կողմից հրավեր ստացած Հայաստանը կարող է անդամակցել խորհրդին՝ առանց հստակ սահմանված անդամավճարի՝ մինչև երեք տարի ժամկետով։ Այդ ժամկետը լրանալուց հետո անդամակցությունը կարող է վերանայվել սահմանված կարգով։
ՀՀ կառավարությունը հավանություն է տվել Խաղաղության խորհրդին անդամակցությանն այս հիմունքներով։ Ըստ Անի Բադալյանի՝ վկայակոչվող անդամավճարը կամավոր է և վերաբերելի է կազմակերպությանը՝ դրա կանոնադրության ուժի մեջ մտնելուց հետո մեկ տարվա ընթացքում, եթե որևէ երկիր մշտական անդամակցության ցանկություն հայտարարի։
Հիշեցնենք, որ Հայաստանի վարչապետ Նիկոլ Փաշինյանը հունվարի 22-ին Դավոսում ստորագրել է Խաղաղության խորհրդի կանոնադրությունը։
