«Հայաստան» դաշինքի առաջնորդ, ՀՀ երկրորդ նախագահ Ռոբերտ Քոչարյանը հայտարարել է, որ պատրաստ է երկիրը ղեկավարելու երրորդ անգամ՝ ճգնաժամային պայմաններում։ Այս հայտարարությունը նա արել է «Մեծ քաղաքականություն» անվանվող նոր փոդքասի առաջին թողարկման ընթացքում։
Ըստ Ռոբերտ Քոչարյանի՝ նա արդեն իսկ անցել է նման փորձառություն՝ երկու անգամ ղեկավարելով Հայաստանը նմանատիպ ծանր ժամանակներում։ Նրա խոսքով՝ այս փաստը պետք է դառնա ընտրողին ուղղված հիմնական և առանցքային հաղորդագրություն։ Նա նշել է, որ այս փորձառությունը և պատրաստակամությունը կարող են լինել երկրի համար հուսալի երաշխիքը։
