Երևանի առաջին ատյանի ընդհանուր իրավասության դատարանը մարտի 6-ին մեղադրական վերդիկտ է կայացրել «Ազգային համաձայնություն» կուսակցության նախագահ Արամ Հարությունյանի դեմ։ Դատարանը նրան մեղավոր է ճանաչել Հայաստանի Հանրապետության վարչապետ Նիկոլ Փաշինյանին հրապարակայնորեն ծանր վիրավորանք հասցնելու համար։
Այս գործի պատմությունը բարդ է և բազմաթիվ փուլերով պայմանավորված է։ Այս նույն ելույթի համար, որի հիման վրա ներկայումս մեղադրանք է առաջադրվել, Արամ Հարությունյանը նախկինում քրեական շրջափուլով անցել էր։ Այդ գործը, որտեղ նրան մեղադրում էին բռնությունն արդարացնելու համար, արդարացվեց երեք ատյաններով։
Որոշ ժամանակ անց, նույն ելույթի համար, սակայն այլ առիթով, մեղադրանքը փոխվեց՝ «վիրավորանք» հոդվածով։ Այդ ժամանակ հոդվածը Քրեական օրենսգրքում առկա էր, սակայն հետագայում ապաքրեականացվեց, ինչի արդյունքում գործը կարճվեց՝ արարքի մեջ հանցակազմի բացակայության հիմքով։
Այնուամենայնիվ, դատախազությունը վերաքննիչ բողոք է ներկայացրել՝ պահանջելով վերաքննիչ դատարանը բեկանե Երևանի առաջին ատյանի դատարանի կայացրած որոշումը։ Վերաքննիչ դատարանը բեկանել է այդ որոշումը և վարույթի նյութերը փոխանցել նույն դատարան՝ այլ կազմով նոր քննության համար։
Ընդհանուր առմամբ, այս դատական քաշքշուկը տևել է շուրջ 4 տարի։ Այս անգամ պաշտպանական կողմը նախատեսում է կբողոքարկի վերաքննիչ դատարանի որոշումը։
Հիշեցնենք, որ Արամ Հարությունյանին մեղադրանք է առաջադրվել այն բանի համար, որ նա անձի հանրային գործունեությամբ պայմանավորված՝ ծայրահեղ անպարկեշտ եղանակով վիրավորել է Նիկոլ Փաշինյանի արժանապատվությունը և հրապարակային եղանակով անձի վերաբերյալ հնչեցրել է ծանր վիրավորանք պարունակող արտահայտություններ։ Խոսքը վերաբերում է 2022թ․ հունիսին «Դիմադրություն» շարժման հանրահավաքի ժամանակ հնչեցված խոսքերին։
