Ռուսաստանի զինված ուժերը գիշերային հարձակման ընթացքում հարվածներ են հասցրել ուկրաինական պետական «Նաֆթոգազ» ընկերության գազային ենթակառուցվածքներին։ Այս մասին հայտնում է ընկերության մամուլի ծառայությունը։
Ըստ հայտարարության՝ «Թշնամին շարունակում է հարվածել «Նաֆթոգազ» խմբի ձեռնարկություններին»։ Այս գիշեր ևս վնասվել է գազի արդյունահանումն ապահովող սարքավորումը։
Ընկերության տվյալներով՝ սա արդեն վեցերորդ հարձակումն է ուկրաինական գազային ենթակառուցվածքների վրա վերջին մեկ շաբաթվա ընթացքում։
Ավելի վաղ հաղորդվել էր, որ Ռուսաստանի զինված ուժերը Խարկովի ուղղությամբ արձակել են յոթ բալիստիկ հրթիռ։ Քաղաքի քաղաքապետ Իգոր Տերեխովը հայտնել է, որ հրթիռների հարվածների հետևանքով վնասվել է կարևոր ենթակառուցվածքային օբյեկտ։
